22 տարի անց հեպատիտ C-ն փաստացի կվերանա. գիտնականներ

Ամերիկացի գիտնականները պնդում են, որ 22 տարի անց հեպատիտ C-ն փաստացի կվերանա և կդասվի հազվադեպ հիվանդությունների շարքին: Այս մասին է հաղորդում Annals of Internal Medicine ամսագիրը:

Նրանք նման եզրակացության են եկել՝ ստեղծելով համակարգչային մոդելը, որի միջոցով հաշվարկել են գործոնների մի ամբողջ համակարգ, որն, այսպես թե այնպես, կապված է այդ հիվանդության հետ:

Ուսումնասիրողները պնդում են, որ 2036թ. սքրինինգի և արյան միջոցով վիրուսը փոխանցելը կանխելու շնորհիվ հիվանդությունը փաստացի կանհետանա:

Այժմ հեպատիտ C-ն լյարդի քաղցկեղի ամենակարևոր պատճառներից է: Աշխարհում մոտ 150 միլիոն մարդ տառապում է այս հիվանդությունից և հակված է լյարդի ցիռոզով կամ քաղցկեղով բարդացումներին:

Հարցեր, պատասխաններ, մեկնաբանություններ